कोहलपुर, बाँके: यात्राको परिभाषा अब बदलिँदैछ। बाँकेको कोहलपुर–११ मा मुख्यालय रहेको मध्यपश्चिम जनसेवा यातायात प्रा.लि. ले आज (बिहीबार)देखि बाँके–काठमाडौँबीच ‘उडान’ नामक नयाँ लक्जरी बस सेवा सुरु गरेको छ । जसले यात्रुलाई केवल गन्तव्यसम्म मात्र होइन, एक असाधारण अनुभवका साथ संघिय राजधानी पुर्याउने छ ।
रकेट, तुफान, सफारी र रफ्तार जस्ता सफल लक्जरी सेवाहरूका पछि उडान कम्पनीको पाँचौँ शानिलो प्रस्तुति हो। कम्पनीका अध्यक्ष विश्वराज खनालका अनुसार, ३९ सिट क्षमताको यस बसलाई यात्रुको आरामलाई प्राथमिकता दिँदै ३२ सिटमा सीमित गरिएको छ, ताकि हरेक यात्रुले साच्चिकै फरक सुविधा र स्वतन्त्रता महसुस गर्न सकून्।
हरियाली मार्ग हुँदै कोहलपुर बसपार्कसम्म पुगेर बिधिवत् रूपमा उद्घाटन गरिएका मधेस प्रदेश ३–००२ ख २८३० र लुम्बिनी १–००१ ख ०१९८ नम्बरका दुई बसहरूले आजदेखि नियमित सेवा सुरु गरेका छन्।
‘उडान’ सेवाको अर्को आकर्षण हो यसको अत्याधुनिक थाई सोफा सिटहरू, जसमा यात्रुले घुँडा ठोक्किने असुविधा बिना लामो दूरी सहजै पार गर्न सक्नेछन्। यात्राका क्रममा सुसज्जित शौचालय, आधुनिक इन्टिरियर र समान भाडादरले यसलाई बाँके–काठमाडौँ यात्राको नयाँ विकल्पको रूपमा स्थापित गर्ने बस संचालकहरुको बिस्वास रहेको छ ।
दैनिक रूपमा एउटा बस बाँके र अर्को बस काठमाडौँबाट छुट्नेछ। संघीय राजधानीदेखि विभिन्न प्रदेशसम्म सेवाको विस्तार गरिसकेको मध्यपश्चिम जनसेवा यातायात प्रा.लि. ले अटो रिक्सादेखि भिआईपी लक्जरी बससम्मका यात्रु सेवामा निरन्तर नयापन ल्याउँदै आएको छ।
अध्यक्ष खनाल भन्छन्, “हामी केवल गाडी चलाउँदैनौँ, हामी यात्रुको विश्वास र सन्तुष्टिलाई दिशा दिन्छौं। ‘उडान’ केवल बस होइन, यो पश्चिम नेपालको गौरव र यात्राको नयाँ युग हो।”
यात्रा अब केवल दूरी नाघ्ने माध्यम रहेन अब उडान संगसँगै बाँकेले राजधानीसम्मको बाटोमा आफ्नो गौरव, शैली र सहजता पनि पठाइरहेको छ अध्यक्ष खनालको भनाई छ
