सल्यान:सल्यानका पत्रकार नोखिराम थापामाथि कुटपिट भएको छ । कुमाख राष्ट्रिय दैनिकका कार्यकारी सम्पादक थापालाई श्रीनगरस्थित करुवा रेस्टुरेन्टमा गएराति बेलुकी ९ बजेतिर खाना खाइरहेका थापालाई ५-६ जनाको समूहले एकाएक कुटेका थिए ।

कुटपिटबाट थापाको टाउको र आँखामा चोट लागेको छ । उनलाई उपचारका लागि श्रीनगरस्थित मेट्रो अस्पताल भर्ना गरिएको छ । केही दिनअघि सल्यान श्रीनगर बसपार्कसम्बन्धी समाचार लेखिएको कारण आफूलाई लक्षित गरी आक्रमण गरिएको पत्रकार थापाले बताए ।

उनले श्रीनगर बसपार्क हस्तान्तरण नहुँदै चिरा परेको समाचार प्रकाशित गरेका थिए । बसपार्कका ठेकेदारसँग प्रमोद र भिकराजको निकट सम्बन्ध भएको स्रोतको दाबी छ । पत्रकार थापा नेपाल पत्रकार महासंघ कर्णालीको प्रदेश परिषद् सदस्य र प्रेस चौतारी कर्णालीको प्रदेश कमिटी सदस्य छन् ।