उनले २३ भदौको घटनाका सन्दर्भमा जाँच गर्न गठिन गौरिबहादुर कार्की नेतृत्वको आयोगले दिएको प्रतिवेदन न्यायोचित रहेको बताइन । तर, त्यसको भोलिपल्ट मच्चिएको विध्वंशको घटनाका बारेमा कार्की आयोगले केही नबोलेकोमा उनले असन्तुष्टि जनाइन ।
‘हामीलाई लाग्यो, शान्तिपूर्ण आन्दोलन गरेका थियौँ तर, कसरी आन्दोलन विध्वंशतिर गयो भन्ने लागेको थियो । हामी त एउटा फूल पनि भाँच्दैनौँ भनेर आन्दोलनमा गएका थियौँ । तर, कसरी हिंसात्मक बन्यो भन्ने कुरा पत्ता लागउन कार्की आयोगको प्रतिवेदन सार्वजनिक गर्नुपर्थ्याे । लिक भयो, सरकारले सार्वजनिक गरेन । हामी अझै चाहन्छौँ । छर्लंग हुनुपर्छ । अहिले केही रुपमा भयो पनि । तत्कालीन प्रधानमन्त्रीदेखि गृहमन्त्रीलाई कारबाहीका सिफारिस भए । तर, दोस्रो दिनको वास्तविकता हामी जान्न चाहन्छौँ,’ उनले भनिन् ।
